Uwimpundu Sandrine, uzwi cyane nka Rufonsina muri filime Umuturanyi, hamwe n’umugabo we bakiriye umwana wabo wa kabiri.
Amakuru aturuka ku bitaro bya Kaminuza bya Kigali (CHUK) avuga ko Rufonsina yabyaye umukobwa ku wa Gatandatu, tariki ya 25 Ukwakira 2025.
Abinyujije ku rukuta rwe rwa Instagram, Rufonsina yashimiye Imana avuga ati: “Wakoze Nyagasani.”
Uyu mubyeyi yari asanzwe afite umwana w’imyaka 10 yabyaranye n’umugabo we, bafitanye imyaka 12 babana.
Mu ntangiro z’uku kwezi kwa Ukwakira 2025, inshuti ze zari zamukoreye ibirori byo kumwifuriza kubyara amahoro (baby shower), byitabiriwe n’abagore b’inshuti ze barimo Anita Pendo n’abandi benshi.
Byibukwa ko mu Ukwakira 2024 Rufonsina yari yambitswe impeta y’urukundo, naho mu Nyakanga 2025 ubwo yizihizaga isabukuru ye, yahishuye ko atwite kandi yitegura kwibaruka ubuheta bwe.
