Isoko ry’igura n’igurisha ry’uyu mwaka muri Shampiyona y’u Bwongereza (Premier League) ryasize riciye agahigo gakomeye, aho amakipe yose hamwe yakoresheje miliyari 2.37£ mu kugura abakinnyi. Ni umubare uruta uwo mu 2023 watwaye miliyari 2.36£.
Liverpool ni yo kipe yashoye amafaranga menshi kurusha izindi, aho yatanze arenga miliyoni 300£. Iyi kipe yananditse amateka yo kugura umukinnyi uhenze kurusha abandi, Florian Wirtz, ku giciro cya miliyoni 116£. Chelsea, Manchester United na Arsenal nazo ziri mu makipe yashoye amafaranga menshi muri iri soko.
Amakipe atandatu muri Premier League yaciye amateka y’ayo kugura abakinnyi. Muri yo harimo: Burnley yaguze Lesley Ugochukwu miliyoni 25£,Sunderland yaguze Habib Diarra miliyoni 26£,
Nottingham Forest yo yarengeje miliyoni 150£ mu kugura abakinnyi.
Premier League ikomeje kugaragara nk’iyambere ishora amafaranga menshi, kuko yarengeje ayo izindi shampiyona zose zikomeye i Burayi zashyize hamwe. Shampiyona ikurikira ni Serie A y’u Butaliyani, ariko nayo ikaba iri hasi cyane ugereranyije n’u Bwongereza.
ABAKINNYI BAGUZWE MENSHI MURI PREMIER LEAGUE UYU MWAKA 2025
1. Florian Wirtz (Liverpool)
Uyu mukinnyi w’umudage yavuye muri Bayer Leverkusen ajya muri Liverpool ku giciro cya miliyoni 116£ bitewe n’inyongera. Ni we mukinnyi uhenze mu mateka ya Liverpool ndetse akaba ari na we mukinnyi uhenze mu mateka ya Bundesliga.
2. Hugo Ekitike (Liverpool)
Uyu rutahizamu w’umufaransa yavuye muri Eintracht Frankfurt ajya muri Liverpool ku giciro cya miliyoni 76.5£
3. Benjamin Šeško (Manchester United)
Uyu mukinnyi w’umusuwisi yavuye muri RB Leipzig ajya muri Manchester United ku giciro cya miliyoni 73.4£.
4. Bryan Mbeumo (Manchester United)
Uyu mukinnyi w’umunya-Cameroon yavuye muri Brentford ajya muri Manchester United ku giciro cya miliyoni 71£.
5. Viktor Gyökeres (Arsenal)
Uyu mukinnyi w’umusuwedi yavuye muri Sporting CP ajya muri Arsenal ku giciro cya $75.7m.
AMAKURU Y’ISOKO MURI RUSANGE
Amafaranga yose yagiye mu kugura abakinnyi muri Premier League: Amakipe yose hamwe yatanze amafaranga arenga £2.36 miliyari, akaba ari agahigo gashya.
AMAKIPE YAKORESHEJE AMAFARANGA MENSHI:
Liverpool: Miliyon 300£
Chelsea: Miliyoni 240.1£
Manchester United:Miliyoni 197.2£
Arsenal: Miliyoni 192.6 £
Manchester City: Miliyoni 153.4£
Nottingham Forest: Miliyoni 148.2£
Sunderland: Miliyoni 142.3£
Newcastle United: Miliyoni 126ml£
Tottenham: Miliyoni 125.5£
Burnley: Miliyoni 107.8£
Bournemouth: Miliyoni 105.2£
IMPAMVU ZATUMYE ISOKO RIBA RIHENZ
Premier League yashyizeho amasezerano mashya y’uburenganzira bwo kwerekana imikino, agera kuri $9 miliyari mu myaka ine, bituma amakipe abona amafaranga menshi yo gukoresha mu kugura abakinnyi.
Gukomeza gushaka abakinnyi b’inyangamugayo: Amakipe nka Liverpool, Manchester United, na Arsenal bakomeje gushaka abakinnyi bafite impano zikomeye kugira ngo barusheho gutera imbere.
Kwiyongera kw’amarushanwa: Amakipe menshi yifuza kwitwara neza mu marushanwa atandukanye, harimo Premier League, UEFA Champions League, na FA Cup, bituma bashora amafaranga menshi mu kugura abakinnyi.
