Mu gitondo cyo kuri uyu wa Gatandatu taliki 30 Kanama 2025 habaye impanuka ikomeye ku muhanda B1, hafi ya Mariental, ahagana mu birometero 270 uvuye i Windhoek muri Namibia , yahitanye abantu 14 ndetse abandi barenga 10 barakomereka.
Nk’uko byatangajwe n’ubuyobozi bwa polisi, impanuka yabaye hagati y’imodoka ya Police n’imidoka yari itwaye abacungagereza (Namibian Prison Service). Imodoka ya polisi yari itwaye abantu 6, barimo abapolisi 5 n’umuturage umwe, mu gihe imodoka y’abacungagereza yari itwaye abantu 13.
Iyi mpanuka yateye igihombo gikomeye, aho umupolisi 1, abacungagereza 11 n’abasivili 2 bahitanywe nayo. Abandi bantu 3 barakomereka bikomeye gusa bari kwitabwaho n’abaganga.
Perezida wa Namibia, Netumbo Nandi-Ndaitwah, yagaragaje agahinda kenshi asaba imiryango yabuze ababo kwihangana, ndetse anasabira abakomeretse gukira vuba.
Biteganyijwe ko inzego z’umutekano zikomeza gukurikirana iyi mpanuka, kugira ngo hamenyekane neza icyayiteye.
