Umukinnyi wa filime Nyambo Jesca yavuze ko yifuza kubaka urugo, ariko agaragaza ko abona bigoye kubona umusore w’inyangamugayo wamwemerera kuba umugore we.
Mu kiganiro yagiranye na Isimbi TV, Nyambo yasobanuye ko kubona umukunzi ufite gahunda yo kubaka urugo atari ibintu byoroshye, kuko hari benshi bagaragaza inyungu z’ibintu bitandukanye.
Yagaragaje ko bamwe mu basore bakunda kumwegera bagaragaza imyitwarire itari myiza, aho usanga bashaka ko baryamana mbere yo kugira indi gahunda y’ahazaza.
Nyambo yavuze ko atakemera kuryamana n’umusore atari umugabo we wemewe n’amategeko, kuko abona ko ibyo bishobora gutesha agaciro umuntu.
Yongeyeho ko hari ababyeyi babura uburere bukwiye baha abana babo, bigatuma hari abakobwa bakura babona ibintu mu buryo budakwiriye, ntibite ku cyo bakwigira ku babyeyi babo.
Yanagiriye inama ababyeyi kujya bakurikiranira hafi uburere bw’abana babo, kuko bishobora gutuma bagira imyitwarire myiza izabafasha mu buzima bwabo bw’ejo hazaza.
Nyambo amaze imyaka itandukanye akora mu ruganda rwa cinema nyarwanda, yemeza ko ibyo byamuhesheje ubumenyi n’ubunararibonye. Uretse gukina filime, anashishikajwe no gufasha abandi kubona akazi, guteza imbere impano no guteza imbere uruganda rw’imyidagaduro muri rusange.
