• AHABANZA
  • AKAZI
  • Amakuru
  • Imikino
  • Uburezi
  • IMYIDAGADURO
  • IYOBOKAMANA
  • UTUNTU N’UTUNDI
No Result
View All Result
Home IMYIDAGADURO

Dj Toxxyk uherutse kugonga umu polisi agapfa ibye bifashe indi ntera nyuma yo gusanga nta ruhushya rwo gutwara agira

ISHIMWE Moise by ISHIMWE Moise
January 4, 2026
in IMYIDAGADURO
0
Dj Toxxyk uherutse kugonga umu polisi agapfa ibye bifashe indi ntera nyuma yo gusanga nta  ruhushya rwo gutwara agira
0
SHARES
FacebookTwitterWhatsapp

Kuva ku wa 20 Ukuboza 2025, Arnold Ishimwe uzwi mu myidagaduro nka DJ Toxxyk, afungiye mu nzego z’umutekano aho akorwaho iperereza ku mpanuka yakoze igahitamo umupolisi.

Amakuru mashya avuga ko nubwo uyu musore agifunze, hakiri gushakishwa undi muntu ukekwaho kugira uruhare mu kumufasha guhunga nyuma y’iyo mpanuka. Niyonkuru Djuma uzwi nka Radju, wari wabanje gutabwa muri yombi akekwaho icyo cyaha, bivugwa ko yaje kurekurwa nyuma y’iperereza ry’ibanze.

Related posts

Umukinnyi wa filime Nyambo yavuze ko bigoye kuba yabona umusore wakemera ko amubera umugore

Umukinnyi wa filime Nyambo yavuze ko bigoye kuba yabona umusore wakemera ko amubera umugore

February 6, 2026
Umukinnyi wa filime wamamaye nka Samusure wari umaze igihe mu buhingiro agiye kugaruka mu Rwanda

Umukinnyi wa filime wamamaye nka Samusure wari umaze igihe mu buhingiro agiye kugaruka mu Rwanda

February 3, 2026

Amakuru aturuka mu bantu ba hafi ya DJ Toxxyk avuga ko nyuma yo gukora impanuka yabereye hafi ya Peyage, yahise ahamagara Radju amusaba ubufasha.

Radju, wamenyekanye cyane mu mupira w’amaguru aho yakiniye amakipe arimo Kiyovu Sports na Rayon Sports, ubu asigaye agaragara mu bikorwa by’imyidagaduro.

Biravugwa ko mu gitondo cyo ku Cyumweru, DJ Toxxyk yabanje kwerekeza iwe kwa Radju ku Gisozi, aho bombi bemeranyije guhita bava mu Mujyi wa Kigali berekeza mu Karere ka Karongi.

Ni ho DJ Toxxyk yafatiwe, nubwo amakuru ataremezwa neza avuga ko bashobora kuba bari bafite umugambi wo gukomeza bajya hanze y’igihugu.

Yasanganywe ibiyobyabwenge, yemera ko yari yasinze

Mu itangazo ryari ryatanzwe mbere, Polisi y’Igihugu yari yatangaje ko iperereza rikomeje harebwa niba DJ Toxxyk yari yanyoye ibisindisha. Amakuru mashya agaragaza ko uyu musore yemeye ko yari yatwaye imodoka yasinze.

Hari n’amashusho ya camera z’umutekano zagaragaye, amwerekana mu kabari anywa inzoga zikomeye ijoro ryose mbere y’uko impanuka iba. Abatanze amakuru bavuga ko atari inzoga zisanzwe, ahubwo yari yanyoye ibisindisha bikomeye.

Byongeye kandi, urugo rwe ngo rwarasatswe hasangwamo ibiyobyabwenge, bikaba byarashimangiwe n’uko na we yemeye ko yabikoreshaga.

Gutwara imodoka nta ruhushya afite

Ikindi cyongereye uburemere bw’uru rubanza ni uko DJ Toxxyk yagaragaye ko nta ruhushya rwo gutwara ikinyabiziga (permis) yagiraga. Ibi byiyongera ku kuba yari yasinze, ari na byo byombi bitemewe n’amategeko.

Abaganiriye na we bavuga ko atabasha kwibuka uko impanuka yabaye, bikekwa ko byatewe n’uko yari atameze neza kubera ibisindisha yari yanyweye.

Umunyamategeko waganiriye n’itangazamakuru yavuze ko iyo DJ Toxxyk adatoroka nyuma y’impanuka, ahubwo akihutira kwimenyesha inzego z’umutekano, dosiye ye itari kuba ifite uburemere ifite ubu.

Umuvugizi wa Polisi y’u Rwanda, ACP Rutikanga Boniface, yatangaje ko dosiye ya DJ Toxxyk yamaze gushyikirizwa Ubushinjacyaha, ariko yirinda gutangaza ibikubiyemo birambuye.

IVOMO: IGIHE

 

Previous Post

Amerika yagabye ibitero simusiga kuri Venezuela ihita ishimuta Perezida w’iki gihugu n’umugorewe

Next Post

Maj. Gen. Sultani Makenga yemeye kurekura abasirikaye ba FARDC bari barafashwe na M23 bagasubira i Kinshasa

Next Post
Maj. Gen. Sultani Makenga yemeye kurekura abasirikaye ba FARDC bari barafashwe na M23 bagasubira i Kinshasa

Maj. Gen. Sultani Makenga yemeye kurekura abasirikaye ba FARDC bari barafashwe na M23 bagasubira i Kinshasa

Please login to join discussion

POPULAR NEWS

  • REB yahinduye amasaha Abanyeshuri biga mu mashuri abanza n’ayisumbuye bazajya batangiriraho amasomo

    REB yahinduye amasaha Abanyeshuri biga mu mashuri abanza n’ayisumbuye bazajya batangiriraho amasomo

    0 shares
    Share 0 Tweet 0
  • MIFOTRA: Itangazo rigenewe Abaturarwanda bose muri rusange ku minsi ine y’ikiruhuko

    0 shares
    Share 0 Tweet 0
  • Rulindo: Umupadiri yaririye Noheli muri gereza

    0 shares
    Share 0 Tweet 0
  • Karongi: Umugabo warumaze iminsi yinginga umugore we ngo batere akabariro akabyanga yiyahuye

    0 shares
    Share 0 Tweet 0
  • Aya mahirwe ntagucike! Itangazo rireba abantu bose bifuza kwinjira muri RIB nk’abakozi mu myanya itandukanye

    0 shares
    Share 0 Tweet 0

Follow us on social media:

  • AHABANZA
  • AKAZI
  • Amakuru
  • Imikino
  • Uburezi
  • IMYIDAGADURO
  • IYOBOKAMANA
  • UTUNTU N’UTUNDI

© 2025 All Right Reserved

No Result
View All Result
  • AHABANZA
  • AKAZI
  • Amakuru
  • Imikino
  • Uburezi
  • IMYIDAGADURO
  • IYOBOKAMANA
  • UTUNTU N’UTUNDI

© 2025 All Right Reserved