Abacungagereza bo muri Costa Rica bafashe injangwe yinjizaga muri Gereza ibiyobyabwenge birimo urumogi na cocaine mu masaha y’ijoro.
Iyi njangwe yafatanwe garama 235 z’urumogi na garama 67 za cocaine mu dupfunyika tubiri bari bayihambiriyeho.
Minisiteri y’Ubutabera muri Costa Rica yatangaje ko injangwe yafatanywe igihanga, ndetse amashusho yashyizwe hanze agaragaza umucungagereza yurira uruzitiro rwa gereza afata iyo njangwe batangira kuyihamburaho ibyo biyobyabwenge.
Itangazo rigira riti “mwakoze kwihutira gutabara, injangwe yafashwe yamburwa ibyo yari itwaye bitaragera ku mfungwa.”
Iyi njangwe yahise ishyikirizwa ishyirahamwe rishinzwe kwita ku nyamaswa.
